Kombëtarja U-21 do të përballet sot në orën 18:00 me përfaqësuesen e Republikës Çeke, në një takim që pritet të jetë goxha i vështirë për kuqezinjtë.
Përfaqësuesja e Alban Bushit do të përballet në transfertë, ndërsa renditet në vend të parë të Grupit G së bashku me Kosovën dhe kundërshtarët e kësaj sfide për kualifikuese e ‘Euro 2023’.
Shqiptarët vijnë pas fitores 0-3 ndaj Andorës dhe do tentohet të merret rezultat pozitiv edhe në këtë takim. Republika Çeke po ashtu vjen pas fitores minimale ndaj Sllovenisë, të cilën e mundi me shifrat 1-0.
Ndërkohë, lista e lojtarëve të grumbulluar nga trajneri Alban Bushi ka pësuar sërish ndryshime. Armando Dobra nuk ka udhëtuar drejt Shqipërisë për t’iu bashkuar skuadrës për arsye personale dhe nuk do të jetë pjesë e kuqezinjve në këtë ndeshje.
Ndërkaq, siç ishte parashikuar edhe në grumbullimin paraprak, edhe Eljon Tuci nuk do të jetë pjesë e skuadrës së drejtuar nga Bushi, duke iu bashkuar Kombëtares U-19 të Cungut, që do të zhvillojë ditën e premte në stadiumin “Selman Stërmasi” ndeshjen e parë ndaj Izraelit./Gijotina.com
