Kombëtarja shqiptarë mbërriti paradite në Hungari në vigjilje të duelit të së shtunës. Me grupin nuk udhëtuan Hoxhallari për shkak të infektimit me covid-19 dhe Balaj për arsye dëmtimi. Pas konferencës për shtyp, ekipi kombëtar ka zhvilluar seancën e fundit stërvitore. Trajneri Edi Reja pritet të hedh në fushë një skuadër mbrojtëse.
Në portë do të luajë Etrit Berisha. Ne mbrojtje Ismajli, Gjimshiti dhe Kumbulla. Në mesin e fushës do të rreshtohen Trashi dhe Hysaj nga krahët ndërsa në qendër konfirmohen Gjasula dhe Bare por ka balotazh ndërmjet Çekiçit dhe Bajramit. Në repartin e sulmit konfirmohet dyshja Uzuni-Cikalleshi.
Shqipëria kërkon fitoren në këtë përballje teksa ka një favor të lehtë që në “Pushkas Arena” nuk do të ketë tifozë për shkak se vendasit janë dënuar për arsye të koreve raciste ndaj lojtarëve të Anglisë, sfidë e cila u zhvillua në muajin shtator.
