Dhënia e tenderëve në shkelje të rregullave të prokurimit publik është kthyer në një sport të tashmë për të gjitha institucionet e vendit. Kësaj radhe këtë na e tregon institucioni që ndoshta shumë shqiptarë nuk e di që ekziston. Ai është “Komisioneri për mbrojtjen nga diskriminimi”, institucion që sipas ligjit, lufton diskriminimin nga gjinia, raca, ngjyra, etnia, gjuha, identiteti gjinor, orientimi seksual, bindjet politike, fetare ose filozofike, gjendja ekonomike, arsimore ose shoqërore, shtatëzania, përkatësia prindërore, përgjegjësia prindërore, mosha, gjendja familjare ose martesore, gjendja civile, vendbanimi, gjendja shëndetësore, predispozicione gjenetike, aftësia e kufizuar, përkatësia në një grup të veçantë, ose çdo shkak tjetër.
“Komisioneri për mbrojtjen nga diskriminimi” drejtohet nga komisioneri Robert Gajda. Mirëpo në vend që zotëria të marrë masa për të eleminuar diskriminimin që për hir të së vërtetës në Shqipëri është në doza tepër të larta, duket se gjen kohë dhe blen makinë në vlerë rreth 20 mijë euro nga Dulakët.
Si të gjithë ‘shokët’ e tij që kanë akses në bërjen e tenderëve, edhe Gajda ka bërë tenderin pa gërë, pra jemi në kushtet e një mungese të konkurrencës. Kështu rezulton se ka marrë pjesë në të vetëm kompania Albania Motor Company sh.p.k. në pronësi të vëllezërve Dulaku, me ofertë 2,030,000 lekë të reja pa TVSH.
Së dyti, vlera e ofruar nga kompania e vetme dhe njëkohësisht fituese është thuajse identik sa fondi limit i tenderit, përkatësisht sa 99.61% e tij. Ndërkaq duke parë specifikimet e makinës, vihet re se komisioner Berti ka kërkuar jo pak, por makinë prodhim i vitit 2022 me zero kilometra.
Discussion about this post