Grupi Parlamentar i PD i cili është mbledhur në orën 11:00 në selinë blu, ka vendosur të mos njohë vendimin e Konferencës se Kryetareve për mbledhje online të Komisioneve Parlamentare.
Mësohet se, PD e ka konsideruar si një vendim qe bie ndesh me Rregulloren e Kuvendit dhe që synon t’i shmanget përballjes me opozitën dhe te mohojë transparencën për qytetarët.
Gjithashtu në mbledhje është vendosur dhe se deputetët që bëjnë pjesë në Komisione do të jenë prezent fizikisht në takimet që do të zhvillohen.
Në tjetër temë që pritet të diskutohet në mbledhje dhe të ketë prioritet, është edhe Reforma Territoriale e vitit 2014, të cilën opozita e ka konsideruar si dështim.
