Deputetja e Partisë së Lirisë, Monika Kryemadhi e ka cilësuar Komisionin Anti-korrupsion si një mënyrë për të shkëputur vëmendjen nga problematikat e tjera, por shtoi se opozita nuk duhet të bojkotojë asnjë komision.
Kryemadhi tha se bojkoti ka dëmtuar opozitën deri më sot dhe se tashmë ajo duhet të jetë më kompakte për një ristrukturim më të mirë të jetës politike në vend. Lidhur me komisionin, Kryemadhi tha se deputetët duhet të informoheshin në mënyrë që zgjeruar që mes mazhorancës dhe opozitës të mos lindin dyshime.
“Nëse do të kishim transparencë dhe drejtuesit do ishin përballë presionit për të dhënë informacionin, arroganca dhe fshehja do të jetë më e vogël dhe vetë korrupsioni do të jetë më i ulët. Korrupsioni shikohet si trampolinë për të larguar vëmendjen nga problematikat e tjera. Është një komisionin që do të largojë vëmendjen. Nuk jam kundër asnjë komisioni. Bojkoti ka treguar se dëmton shumë opozitën. Secili nga ne duhet të bëjë punën e tij lidhur me korrupsionin. Pjesëmarrja apo jo në komision nuk i ndalon që deputetët të bëjnë punën ndaj korrupsionit. Se di se si është krijuar ky komision, kush janë iniciatorët dhe se me kë janë konsultuar apo se cila është agjenda dhe plani i punës së këtij komisioni. Duke mos qenë transparente, lindin dyshimet mes mazhorancës dhe opozitës. Që nga djegia e mandateve apo dhe mos futja në zgjedhjet lokale janë pasojat që kemi me vettingun, me strukturat drejtuese të drejtësi dhe shumë të tjera drejtësi. Të qenurit një opozitë kompakte, do të ndihmonte në procesin e një hapësire më të madhe për ristrukturim të jetës politike në Shqipëri”, tha ajo.
Nga selia e Kuvendit, Kryemadhi ka prezantuar një projektligj që synon lehtësimin për deputetin për të marrë informacionin e kërkuar dhe në rast se kjo nuk ndodh nga institucionet do të ketë masa administrative dhe penale. Pikërisht, tha Kryemadhi, ky projektligji shërben edhe për uljen e nivelit të korrupsionit.
“Deputeti duhet të këtë një akse të plotë ndaj informacionit dhe forcimi I statusit të deputetit dhe jetës parlamentare në tërësi është fuqizimi i qytetarit dhe mbrojtjen e interesave të tyre. Projektligji i propozuar sot parashikon se në rast se drejtuesit e institucioneve nuk japin informacionin në mënyrë të përsëritur procedura do të përfshijë pasoja administrative dhe penale si dhe do të ngarkojë me veprime konkrete Kryetaren e Kuvendit, Sekretaren e Përgjithshëm dhe Kryeministrin për të siguruar që vullneti të mos mbetet në dorë të drejtuesve të institucionit. Miratimi i kësaj nisme do të sjellë një administratë që kontrollin ligjin dhe rolin e deputetëve dhe fuqizimin e rolit të tyre”, tha Kryemadhi.
Discussion about this post