Partia Demokratike do të do të depozitojë në Gjykatën Kushtetuese kërkesën për shfuqizimin e vendimit të Kuvendit për të mos lejuar hetimin mbi çështjen “Becchetti”.
Këtë e ka bërë publike deputeti Saimir Korreshin në një reagim nga selia blu. Sipas tij, Partia Demokratike do të bëjë gjithçka që përgjegjësit për këtë aferë 120 milionë euro të shkojnë përpara drejtësisë. Sipas Korreshit, qeveria nuk e lejon opozitën të hetojë këtë çështje për shkak se Rama e miqtë e tij janë të përfshirë në këtë aferë. Viktima e vetme, është pikërisht populli shqiptar i cili do të paguajë nga xhepi i tij shumën e plotë për dëmshpërblimin ndaj Becchettit.
“Qytetarët duhet të kenë parasysh se të gjitha këto spërdredhje qesharake janë pasojë e faktit që emrat e Edi Ramës, Erion Veliaj dhe Ëngjëll Agacit, janë të rreshtuar në vendimin e Gjykatës së Arbitrazhit, në të cilin thuhet se “vendimet e sekuestrimit ishin kulmi i një fushate politike kundër Becchettit”, shprehet demokrati.
Kujtojmë këtu që pak ditë më parë, mazhoranca votoi kundër ngritjes së një komisioni hetimor për çështjen në fjalë, të kërkuar nga Partia Demokratike. Nuk dihet se përse socialistët vendosën të mos e lejojnë hetimin, por sipas opozitarëve, kjo është një tentativë nga pushteti për të mos lejuar zbardhjen e hetimeve pasi ata vetë janë të përfshirë.
