Komisioni Europian është distancuar nga deklarata e komisioneres Marta Kos, e cila krah kryeministrit Edi Rama i cilësoi zgjedhjet e 11 Majit si të lira e të ndershme. Gazetarja e Syri Tv, Ambrozia Meta, iu drejtua Komisionit Europian për të mësuar nëse qëndrimi i BE-së është ai i progresraportit apo ai i deklaruar nga Marta Kos në konferencën me kryeministrin Rama. Përgjigja e Komisionit ishte e qartë: pozicioni i Brukselit për zgjedhjet e 11 Majit është ai i shprehur në progresraportin për Shqipërinë.
Pyetja dhe përgjigja e Komisionit Europian
Pas deklaratës së Marta Kos, gazetarja Ambrozia Meta kërkoi sqarime nga Komisioni Europian nëse Bashkimi Europian ka ndryshuar qëndrim dhe nëse qëndrimi zyrtar mbetet ai i Progresraportit. Syri Tv pyeti gjithashtu nëse qëndrimi i BE-së është ai i artikuluar nga Kos apo ai i raportit të progresit. Komisioni iu përgjigj se pozicioni i BE-së për zgjedhjet është shprehur qartë në Progresraport.
“Për informacion në sfond, ju referojmë Raportit tonë më të fundit të Zgjerimit për Shqipërinë, ku shprehet qartë pozicioni ynë mbi progresin që ka bërë Shqipëria në rrugën drejt Bashkimit Evropian. Ky raport përfshin edhe vlerësimin e Komisionit për raundin më të fundit të zgjedhjeve në Shqipëri.”
Ndryshe nga sa deklaroi Komisioneria e Zgjerimit Marta Kos krahë Edi Ramës, progresraporti i cilësoi zgjedhjet të pabarabarta. Sipas BE-së, zgjedhjet u zhvilluan në kushte të pabarabarta loje, ku partia në pushtet përfitoi nga përdorimi i gjerë i burimeve administrative dhe fondeve. Në këtë progres raport, Bashkimi Europian ngriti shqetësimin për angazhimin e rrjeteve të patronazhistëve që ndikuan në rezultatin zgjedhor. Progresraporti për Shqipërinë, konfirmoi raportin e OSBE-ODIHR, ku gjithashtu u ngrit shqetësimi për blerje votash, presione ndaj votuesve si dhe përfshirje të krimit të organizuar në këto zgjedhje.
Çfarë thotë progresraporti?
Ndryshe nga deklarata e komisioneres Marta Kos krah Edi Ramës, Progresraporti cilëson zgjedhjet si të pabarabarta. Sipas BE-së, zgjedhjet u zhvilluan në kushte të pabarabarta loje, ku partia në pushtet përfitoi nga përdorimi i gjerë i burimeve administrative dhe fondeve. Në raport ngrihet shqetësimi për:
angazhimin e rrjeteve të patronazhistëve,
ndikimin e tyre në rezultatin zgjedhor,
blerjen e votave,
presione ndaj votuesve,
përfshirjen e krimit të organizuar.
Kujtojmë se Progresraporti për Shqipërinë konfirmon edhe gjetjet e OSBE-ODIHR, ku ngrihen të njëjtat shqetësime për procesin zgjedhor./Syri.net
Discussion about this post