Një nga dëshmitarët në Komisionin Hetimor për Inceneratorët ishte kryetari i Bashkisë së Elbasanit, Gledian Llatja. Kryebashkiaku pati një debat me kryetaren e komisionit, Jorida Tabaku dhe deputetin e Partisë Demokratike, Luçiano Boçi. Shkak u bë pyetja e deputetit Boçi në lidhje me prodhimin, ose jo të energjisë elektrike nga ana e impiantit të përpunimit të mbetjeve.
Kryebashkiaku Llatja u përgjigj se impianti ka punuar që ditën e parë dhe është fikuar një muaj e gjysmë më përpara, pas marrjes në sekuestro nga Gjykata e Posaçme, pasi mungon lënda e parë e nevojshme që është gëlqerja.
Pjesë nga diskutimet:
Luçian Boçi: Në vazhdimësi të marrjes në dorëzim, meqënëse e ka marrë shoqëria, meqenëse jeni i interesuari i parë në pushtet lokal, nga data 17 deri sot që flasim a punon inceneratori? A prodhon energji?
Gledian Llatja: Sipas teknikëve, në datë 15 drejtuesi teknik për shkak dhe të mungesës së korrespodencës që kishte pasur me administratorin e ri të vendosur nga Gjykata e Posaçme, ka vendosur të fikë inceneratorin për arsye se i mungonin disa materiale bazë, të cilat për shkak të konsumit të tyre merren një herë në dy ditë ose një herë në tre ditë dhe i ka kërkuar administratorit që këto materiale të prokurohen. Impianti sot që ne flasim është në gjendje pune, mjafton vetëm të ndizet, mjafton të blihen materialet e nevojshme. Patjetër që punon ka punuar që në ditën e parë që është ndezur.
Në datën 15 është urdhëruar nga drejtuesi teknik fikja e detyruar e impiantit për të mos shkaktuar një dëm për mungesë të lëndës së parë që në rastin konkret është gëlqere.
Jorida Tabaku: Deri më sot nuk shtypur më ai butoni që ndizet prapë?
Gledian Llatja: Jo nuk është shtypur. Nga data 15 ka një muaj e gjysmë që nuk punon.
Discussion about this post