Partia Demokratike do të depozitojë ditën e sotme kërkesën për ngritjen e Komisionit Hetimor për zgjedhjet e 25 prillit, të cilat PD i konsideron si “masakër zgjedhore”.
Mësohet se, kryetari i PD, Lulzim Basha ia ka lënë në dorë nënkryetarit Enkelejd Alibeaj dhe Sekretarit të Përgjithshëm, Gazment Bardhi depozitimin e kërkesës në orën 12:00 pranë Kuvendit.
Komisioni hetimor për zgjedhjet e 25 prillit është vetëm një nga kërkesat e Bashës, pasi ndër të tjera si ka propozuar dhe ngritjen e një Komisoni për inceneratorët dhe çështjen Beccheti.
Në mbledhjet e fundit të grupi parlamentar të PD, Basha i ka kërkuar deputetëve që të bëhen zëri i problematikave të qytetarëve, të intensifikojnë takimet me qytetarët dhe të denoncojnë çdo aferë të qeverisë, pushtetit vendor apo abuzim që bëhet ndaj popullit.
