Pas depozitimit të kërkesës për ngritjen e Komisionit Hetimor për zgjedhjet e 25 prilli, janë publikuar emrat e anëtarëve të Partisë Demokratike, që nga kryetari e deri te 6 anëtarët e saj.
Mësohet se pozicionin e kryetarit të Komisionit do ta mbajë deputeti Enkelejd Alibeaj, ndërsa Gazment Bardhi, Oerd Bylykbashi, Sorina Koti, Ferdinand Xhaferri, Ervin Salianji dhe Kreshnik Çollaku do të jenë anëtarët e Komisonit.
Ka qenë deputeti i PD, Enkeljed Alibeaj ai që ka depozituar kërkesën pranë Kuvendit, teksa tha para mediave se ky komision do të hetojë një sërë çështjes, duke filluar nga përdorimi i fondeve për ndihmën ekonomike e deri te patronazhistët.
Komisoni do të hetojë ndër të tjera dhe rritjen e pagave të administratës, apo mbipunësimin në kohë fushate, ndërsa nuk do mungojë as hetimi ndaj tenderave apo koncensineve.
