Komisioni i Disiplinës bën “kërdinë”, dënon disa skuadra dhe lojtarë për thyerje të rregullave sportive

Komisioni i Disiplinës dhe Etikës në FSHF ka vënë disa gjoba ndaj disa klubeve dhe lojtarëve për thyerjen e rregulloreve sportive.

Komisioni ka dënuar lojtarin e Labërisë Fc, Alfredo Sinaj, për sjellje josportive ndaj zyrtarit të ndeshjes, në bazë të nenit 48/1/a të KDS duke e dënuar me 4 (katër) ndeshje pezullim nga aktiviteti, po ashtu dhe ekipin Labëria Fc, për sjellje të gabuar të spektatorëve, hedhjen e sendeve në terrenin sportiv, me gjobë në masën 50.000 (pesëdhjetë mijë) lekë.

Edhe lojtari i FC Gramozi, Edmond Osmani, është dënuar për sjellje josportive ndaj kundërshtarit, me 2 (dy) ndeshje pezullim nga aktiviteti. Bashkë me Osmanin është dënuar dhe Maldin Lice, për sulm ndaj kundërshtarit, me 5 (pesë) ndeshje pezullim nga aktiviteti.

Lojtari i FK Këlcyra, Haki Shele, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti. KF Laçi U-21, për braktisjen e ndeshjes së vlefshme për Kampionatin Kombëtar të Kategorisë Superiore U-21, kundër FK Apolonia U-21, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.

Komisioni ka dënuar dhe lojtarin e  Kukësit U-21, Alessandro Xhambazi, për sjellje josportive ndaj kundërshtarit, me 2 (dy) ndeshje pezullim nga aktiviteti. Po ashtu dhe lojtarin e  KF Egnatia U-21, Alessandro Kacbufi, për sjellje josportive ndaj kundërshtarit, me 2 (dy) ndeshje pezullim nga aktiviteti.

Lojtari i FK Kukësi U-21, Ardit Hila, dënohet me 4 (katër) ndeshje pezullim nga aktiviteti, ndërkaq lojtari i Shkëndija Tr. U-17, Ensar Tafili, dënohet me 4 (katër) ndeshje.

Lojtari i Football Republic U-17, Ardit Manjani, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.

Po ashtu është urdhëruar Sektori i Garave pranë FSHF për kryerjen e verifikimeve të nevojshme për çeljen e hetimit disiplinor për ndeshjen e vlefshme për Kampionatin Kombëtar të Kategorisë Superiore U-17 – Grupi B, midis Football Republic U-17 dhe Vora U-17.

Çeljen e hetimit disiplinor për ndeshjen e vlefshme për Kampionatin Kombëtar të Kategorisë Superiore U-17 – Grupi B, midis KF Skënderbeu U-17 dhe Vora U-17. Urdhërohet Sektori i Garave pranë FSHF për kryerjen e verifikimeve të nevojshme.

Lushnja Femra U-16, për aktivizimin e dy lojtareve që nuk kishin të drejtë të luanin në ndeshjen e vlefshme për Kampionatin Kombëtar të Femrave U-16 – Grupi B, kundër KF Skënderbeu U-16, në bazë të neneve 30/3 dhe 30/4/a të KDS, humbet ndeshjen në tavolinë me rezultatin 0-3.

Lojtari i ROAMEL, Bledar Lami, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.

Lojtari i ROAMEL, Kristi Vangjeli, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.

Lojtari i Friends Team, Gevi Madani, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.

Friends Team, për braktisjen e ndeshjes së vlefshme për Kampionatin Sunday League – FSHF, kundër ROAMEL, në bazë të nenit 54/1 të KDS, humbet ndeshjen në tavolinë me rezultatin 3 – 0. Pranimin e kërkesës së lojtarit të Football Republic U-17, Franc Rabeta, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.

Kundër vendimit lejohet ankim brenda 3 (tre) ditëve përpara Komisionit të Apelit.