Ndërsa ditën e sotme do të nisë java e 12 e Superligës, Komisioni i Disiplinës dhe Etikës ka nxjerrë vendimet për raundin e kaluar të kampionateve shqiptare të futbollit.
Partizani dhe Teuta janë gjobitur edhe këtë javë për mosmbajtjen e logos së ‘Abissnet Superiore’, ndërsa do duhet të paguajnë nga 100 mijë lekë të reja.
Teksa lojtari i ekipit të Maliqit, Arlind Xaka është pezulluar me dy ndeshje për shkak të protestës ndaj vendimeve të zyrtarit të ndeshjes.
Vendimet e Komisionit të Disiplinës dhe Etikës së FSHF datë 07.12.2021:
“KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 000 (njëqind mijë) lekë.
FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 000 (njëqind mijë) lekë.
Lojtari i Maliqi, Arlind Xaka, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
Çeljen e hetimit disiplinor për ndeshjen e Kampionatit Kombëtar të Futbollit 5×5 – Grupi 4, midis Kafja Rremës dhe Select.
Rrëzimin e kërkesës së FC Djelmnia Shkodrane 2017 U-17, në lidhje me lojtarin Ledion Vitaj, si të pabazuar në Kodin e Disiplinës Sportive.”/K.T/Gijotina.com
Discussion about this post