Ka nisur me debate të ashpra, mbledhja e Komisionit të Ligjeve, ku deputetet e opozitës kanë injoruar vendimin e qeverisë për të zhvilluar mbledhje online.
Përfaqësuesit e PD janë paraqitur fizikisht në sallë, ndërsa ka qenë sekretari i Përgjithshëm i PD, Gazment Bardhi që ka ndërprerë vazhdimisht drejtuesen e Komisionit, Klotilda Bushka, duke i kërkuar që t’i japi fjalën të flasë.
“Nuk na e cakton ti. Duam fjalën, jemi prezent. Ti je prezent në sallë, ne jemi prezent në sallë, na jep fjalën. Nuk na i cakton ti ku logohemi dhe ku punojmë ne. A ka mundësi të na e japësh fjalën? Nuk mund ti mohosh deputetëve të drejtën e fjalës,” tha Bardhi.
Pas përfundimit të takimi, deputeti i PD, Oerd Bylykbashi tha se mbledhjet online janë për t’i mbyllur gojën qytetarëve, ndërsa shtoi se sipas tij, Rama po i mohon opozitës kundërshtimin e aferave korruptive.
“Mbledhja online është një mënyrë t’i mbyllur gojën qytetarëve. Ne do të zbatojmë Kushtetutën dhe Komisionet të zhvillohen fizikisht. Mandatin që na ka dhënë populli, të garantojmë transparencën nuk pranojmë që me këto mjete pretendojnë për pandemi, ne jemi këtu të mos e lëmë Edi Ramën që ta kontrollojë shtetin me afera korruptive. Ne do të marrim pjesë në Komisionet e tjera, opozita do të qëndrojë kështu. Ne nuk bojkotojmë, ishim prezent. Ne jemi prezent për të kundërshtuar këtë vendim dhe Edi Rama po i mohon opozitës që të marrë pjesë në komisione dhe të kundërshtojë aferat që ai përpiqet ti kthejë në ligj”, tha Bylylkbashi.
Komisioni i Shëndetësisë, PD akuzon PS: Ndërpreu transmetimin live!
Partia Demokratike ka akuzuar kuvendin se gjatë mbledhjes së Komisionit të Shëndetësisë, i kanë ndërprerë fjalën deputetes së PD, Albana Vokshi.
Sipas PD, në momentin që Vokshi ka marrë fjalën, në kanalin e RTSH që paguhet nga buxheti i Shtetit, është ndërprerë transmetimi i Komisonit.
“Kuvendi i Shqipërisë ndërpret transmetimin e mbledhjes së konstituimit të Komisionit të Shëndetësisë. Në kanalin rtsh kuvend që paguhet nga taksat e qytetarëve, mbledhja e Komisonit që drejtohet nga deputetja e PD, Albana Vokshi, u ndërpre kur zonja Vokshi po shfaqte fotografitë që tregojnë dy standardet e maxhorancës, mbledhje online për t’i kufizuar hapësirën opozitës dhe mbledhje fizike të qeverisë dhe PS pa respektuar masat për pandeminë”, shprehet PD.
Me herët përplasje pati dhe në Komisionin e Ligjeve, ku deputeti Oerd Bylykbashi pas përfundimit të takimit tha se mbledhjet online janë për t’i mbyllur gojën qytetarëve, ndërsa shtoi se kryeministri Rama po i mohon opozitës kundërshtimin e aferave korruptive.
