Komisioni i Rithemelimit i PD-së, i vetshpallur si i tillë, ka deklaruar lidhur me akuzat e Lulzim Bashës duke thënë se ai përtypi publikisht shpifjet e prodhuara nga mediat e kryeministrit Rama. Lidhur me akuzën e Bashës se janë derdhur lum parash për kuvendin e Berishës, Komisioni i Rithemelimit është shprehur se kostot modeste të këtij organizimi do të bëhen publike në vijim.
“Deputeti Basha ripërtypi sot publikisht shpifjet e mediave të Edi Rames për organizimin dhe kostot e Kuvendit te Partisë Demokratike. Kostot modeste të këtij organizimi do të bëhen transparente për mediat ditët në vijim.”
Komisioni i Rithemelimit ka komentuar dhe akuzat e Bashës për bashkëshortin e deputetes së Partisë Sociale, Blerina Gjylameti duke thënë se Basha është kthyer në kukullën e Ramës dhe po shpif. Sipas Komisionit të Rithemelimit Basha është zemëruar sepse Kuvendi i 11 dhjetorit nuk është organizuar nga kompanitë e të afërmve të tij.
Po ashtu kukulla e Ramës shpifi publikisht se për këtë event është kontraktuar bashkëshorti i një deputeteje të Partisë Socialiste. Hedhim poshtë me neveri këtë shpifje dhe sqarojmë opinionin se kjo është totalisht e pavërtetë! E mirëkuptojmë zemërimin e z.Basha përse nuk e organizuam Kuvendin me kompaninë e të afërmve të tij por rrjepja që ata i kanë bërë financave të PD këto 8 vjet e ka bërë këtë kompani të papërballueshme për mundësitë tona!
Basha akuzoi bashkëshortin e e deputetes së Partisë Sociale, Blerina Gjylameti se ka ndihmuar në ndërtimin e skenës së Sali Berishës.
“Kemi 3 muaj që Rama na bredh i qetë me tubin e oksigjenit me vete. Vazhdon ta financojë arenën e Hajnisë. Blerina Gjylameti i thotë Alibeajt, deri më 11 do jesh ti kryetar komisioni. Bashkëshorti i saj, Kostika është aksioner ose menaxher në një kompani e cila solli organizimin e Kuvendit në Air Albania, duke sjellë atë skenografi aty. I kam thënë Berishës nuk jam më 17 vjeç, jam 47, prind i dy fëmijëve. Nuk na trajton dot më si fëmijë. Ti je e shkuara” tha Basha.
Discussion about this post