Deputeti i Partisë Demokratike, Ervin Salianji ka përmendur edhe njëherë ngjarjet e bujshme të ndodhura së fundmi në vend, duke e vënë theksin te ajo e vdekjes së Lear Kurtit.
Ai u shpreh nga Komisioni i Sigurisë se Veliu është një person që edhe letrën e dorëheqjes e bëri me 100 gabime drejtshkrimore. Ai shtoi se është po ashtu Veliu I cili kur ishte drejtor i Policisë së Shtetit doli e tha se Klodian Rasha kishte armë me vete.
“Ju thatë që AMP ka 3 % të buxhedit, megjithëse për ne nuk janë pak aq. Se ç’besim mund të keni te një njeri që edhe letrën e dorëheqjes e bën me 100 gabime ortografike nuk e kuptoj. Se si mund të ketë besim populli te një njeri që dilte e thoshte për vrasjen e Klodian Rashës se ky i fundit kishte armë me vete, ketë nuk e di unë. Vdekjet, vrasjet e aksidentet nuk janë çështje shifrash. Nuk mund të shkohet me këto. Po qytetarët që përballen nëpër zona me hajdutë e grabitës që u rrezikojnë edhe jetën. Ne themi që më mirë letët e AMP-së t’i marrin policët e thjeshtë”, u shpreh Salianji.
Discussion about this post