Komisioni i Venecias ka dhënë sot opinionin përfundimtar mbi kërkesën e Partisë Socialiste për shtyrjen e mandatit të Komisionit të Pavarur të Kualifikimit dhe Komisonerit Publik, organë të cilat përbëjnë shkallën e parë të Vettingut. Komisioni i Venecias ka miratuar rekomandimin përfundimtar për Kuvendin, që nënkupton mbështetjen e kërkesës për zgjatjen e mandateve të KPK-së KP-së deri në dhjetor të vitit 2024. Në raportin paraprak të zbardhur disa ditë më parë, Komisioni i Venecias argumentoi se ky ndryhsim kushtetues duhet të bazohet në arsye objective dhe të ketë një baze ligjore. Komisioni i Venecias është i mendimit se zgjatja e propozuar e mandatit të KPK dhe Komisionerit Publik i plotëson këto kritere.
Ishin anëtarët socialist në Këshillin Legjislativ të Kuvendit që kërkuan opinionin e Venecias, duke iu referuar amendamenteve të tyre për ndryshim në Kushtetutë, lidhur me zgjatjen e mandateve të institucioneve të Vettingut. Për të miratuar këtë ndryshim në Kushtetutë do të duhet votimi i propozimit të socialistëve nga shumica në parlament.
Discussion about this post