Konferenca e Kryetarëve ka vendosur të hedhë poshtë kërkesën e deputetit demokrat Enkelejd Alibeaj për të ngritur një komision për investimet strategjike. Lajmin e bëri të ditur kryetarja e Kuvendit Lindita Nikolla, duke shkaktuar debat në sallë.
Alibeaj kritikoi socialistët se pse çështja nuk ishte vendosur në rend dite për ti dhënë kohë deputetëve për debat, ndërsa ndërhyrje pati dhe nga deputetët e tjetër.
Alibeaj: Ka ca rregulla sesi futet një çështje në rendin e ditës. Ju vendosët të mos futet në rendin e ditës. Në rendin e ditës të dalë dje nuk ishte, kjo çështje duhet të ketë kohën e duhur nga të gjithë deputetët, na e lini në mënyrë të fshehtë, nuk iu bën nder as juve dhe as parlamentit, respektoni rregulloren.
Nikolla: Me datë 31 u mblodh Konferenca e Kryetarëve u vendos mosmiratimi i kërkesës së Alibeajt për ngritjen e një komisioni hetimor për investimet strategjike. Është e përcaktuar, kur nuk bëhet me konsensus, vendos seanca plenare, ajo që thoni ju, jemi konform rregullores dhe ligjit. Jemi tek njoftimet dhe po operojmë.
Discussion about this post