Partia Demokratike ka depozituar ditën e sotme në Kuvend kërkesën ku kërkohet krijimi i një komisioni i cili do të hetojë parregullsitë e procesit zgjedhor.
Në kërkesën e cila është zbardhur nga mediat, janë 5 pika që Partia Demokratike i kërkon Komisionit Hetimor të Kuvendit:
Kontrollin e keqpërdorimit të burimeve të administratës shtetërore, si dhe të asgjësimit të kufirit midis Shtetit dhe Partisë Socialiste në pushtet për qëllime elektorale në zgjedhjet e 25 prillit 2021.
Verifikimin e mbrojtjes dhe përdorimit të të dhënave personale (patronazhistët) nga shteti dhe Partia Socialiste për qëllime elektorale.
Verifikimin e përdorimit të fondeve publike, për qëllime elektorale, duke përfshirë edhe shpërblimin e dëmeve nga tërmeti i vitit 2019.
Verifikimin e ligjshmërisë së legalizimeve të ndërtimeve informale për qëllime elektorale, verifikimin e punësimeve në administratën publike për qëllime elektorale.
15 anëtarë, nga të cilët kryetari dhe gjashtë anëtarë do t’i përkasin grupeve parlamentare të opozitës dhe tetë anëtarë grupit parlament të mazhorancës.
3 muaj nga krijimi i Komisonit Hetimor.
Në lidhje me pikat, selia blu kërkon Mbledhjen e Konferencës së Kryetarëve për shqyrtimin e kësaj kërkese dhe caktimin e datës së miratimit në Kuvend në seancën plenare me të afërt.
