Në një mbledhje urgjente një ditë pas konfirmimit të variantit Delta të covid-19, Komiteti i Teknik i Ekspertëve ka dhënë detajet lidhur me këtë variant më agresiv të koronavirusit që tashmë është prezent në vendin tonë.
Shefja e ISHP , Albana Fico ka treguar edhe disa nga qytetet të cilët janë konfirmuar raste të variantit Delta ndërsa ka shtuar se numri i të infektuarve me këtë variant momentalisht është i ulët.
“Është një proces që është pjesë e punës së ISHP dhe tek departamenti i sëmundjeve infektive. E rëndësishme është se në këto mostra i kemi gjetur në qytete si Tiranë, Elbasan, Shkodra, Lezha, Kavaja, Gjirokastra, Korça, Peqini Mati dhe Vlora.”
