Stadiumet në vendin tonë do të hapen nga 1 korriku. Ky është lajmi i dhënë nga zëvendësministrja e Shëndetësisë dhe Mbrojtjes Sociale, Mira Rakacolli.
Në mbledhjen e sotme të Komitetit Teknik të Ekspertëve ajo u shpreh se do të lejohet hapja e stadiumeve, pjesërisht.
Do të lejohen fansa sa 30% e kapacitetit të stadiumeve, sikurse thuhet në vendimin e mëposhtëm prej 1 korrikut e tutje:
*ora policore shtyhet në orën 24.00 -06:00.
*Orari për muziken nuk ndryshon, pra do mbetet ora 22:00.
*lejohen kampionatet sportive me prezence te tifozëve me kapacitete te reduktuara deri ne 30%, sipas protokollit te IShP.
*lejohen aktivitetet e teatrove, shfaqjeve artistike dhe kulturore, konferencave, me kapacitet të reduktuar deri ne 30% të spektatorëve apo pjesëmarrësve, sipas protokolleve te IShP.
Finalja e Kupës së Shqipërisë, për momentin i bie të luhet pa tifozë. Skënderbeu-Vllaznia luhet të hënën, prej orës 19:00, në “Air Albania Stadium”. FSHF kishte kërkuar nga Ministria e Shëndetësisë hapjen e pjesshme të stadiumit.
