Erion Veliaj ka lënë mënjanë për disa çaste tenderët pa garë, ku ka kaluar tek ata të cilët janë edhe më të dyshimtë. Kryebashkiaku i Tiranës ka favorizuar kompaninë e miqve të tij, në bashkëpunim me dy firma të tjera, të cilat duke se janë vendosur në garë vetëm për të plotësuar garën. Pra, tenderi aktualisht është pa garë, por me dy emra fiktivë, në mënyrë që Veliaj të shmanget disi nga e zakonshmja e tij.
Drejtoria e Përgjithshme e Rrugëve dhe Ndriçimit Publik Tiranë ka hapur një tender për blerja tubash të brinjëzuar me fond limit 12 292 000,00 lekësh të rinj. Ashtu si pjesa më e madhe e tyre edhe ky tender është cilësuar me flamurin e kuq nga Opendata. Kjo për faktin se janë skualifikuar të gjithë operatorët konkurrues përveç firmës fituese.
Tenderi në fjalë është njoftuar në datën 13.10.2021, ndërsa fituesi është konfirmuar në 10 nëntor.
Kompanitë pjesëmarrëse në garë janë: BAÇI – EL 2003 SH.P.K , SARK sh.p.k dhe LIGUS sh.p.k
Konkretisht LIGUS sh.p.k është me vendndodhjen në Tiranë, SARK sh.p.k në Fier dhe BAÇI-EL sh.p.k në Elbasan.
Duket se Veliaj i ka vendosur fiktivisht dy kompanitë e rretheve duke shpallur fituese atë kryeqytetase.
Për skualifikimin e dy firmave thuhet: Operatori ekonomik duhet të paraqesë në vendin dhe orën e përcaktuar për hapjen e ofertave në dokumentet e tenderit, nga një mostër për gjithë mallrat, objekt prokurimi. Mosparaqitja e mostrave përbën shkak për skualifikim.
Pra e vetmja firmë e cila ka plotësuar këtë kriter dhe ka qenë e vëmendshme është ajo fituese, e cila është dhe e vetmja. Më tepër se përpikëri nga ana e kompanive, këtu kemi të bëjmë me lojën e Veliajt.
Sërish kemi të bëjmë me kompani fituese e cila bën dhe ofertën më të lartë në lidhje me fondin limit. LIGUS sh.p.k ka bërë ofertën 11.456.380 (njëmbëdhjetë milion e katërqind e pesëdhjetë e gjashtë mijë e treqind e tetëdhjetë) lekë pa tvsh.
Nuk kishte se si të ndodhte ndryshe në tenderët ku përfshihet Veliaj, favorizim total për miqtë e tij, njëkohësisht dhe për përfitime personale./E.G/Gijotina.com
Discussion about this post