Një operacion i gjerë policor është duke u zhvilluar në Greqi për të zbuluar një rrjet të kontrabandës së pijeve alkoolike, që përfshin disa kompani greke dhe të huaja. Dyshohet se tre kompani greke kishin krijuar kompani virtuale në Shqipëri dhe Austri, ku pretendonin se importonin pije alkoolike, por në fakt ato ishin rishitur në Greqi pa paguar taksat dhe doganat e nevojshme.
Sipas hetimeve, kompanitë greke eksportonin pijet në Shqipëri, por kamionët mbërritnin bosh në kufirin greko-shqiptar. Pijet më pas mbaheshin pa doganë dhe shiteshin në tregun grek, duke sjellë humbje të mëdha për shtetin grek.
Një zyrtar i lartë i Autoritetit të të Ardhurave Publike të Greqisë (AADE) është i përfshirë në këtë rrjet, dhe deri tani janë arrestuar 12 persona. Hetimet janë në vazhdim dhe pritet një raport zyrtar nga policia greke.
Guvernatori i AADE, Giorgos Pitsilis, ka urdhëruar një masë disiplinore për punonjësin e dyshuar që ka ndihmuar në falsifikimin e dokumenteve për të mundësuar kontrabandën e pijeve.
Discussion about this post