250 banorë në Elbasan kanë dalë sot në protestë pasi pretendojnë se janë shkarkuar nga puna nga pa të drejtë. Në një prononcim për mediet ata thonë se, prej datës 24 nëntor kompania e pastrimit të mbetjeve në qytetin e Elbasanit i ka mbaruar kontrata me Bashkinë e Elbasanit për pastrimin e qytetit.
Ky fakt ka bërë që bashkia e Elbasanit të pushojë nga puna rreth 200-250 punonjës të pastrimit të cilët punonin 3 turne në ditë për të mbajtur pastër Qytetin. Shkak i pushimit të tyre nga puna ka ardhur pas përfundimit të kontratës së kompanisë së pastrimit.
Ata tregojnë se, iu është afruar një asistencë sociale pasi nuk do të këtë një rikthim në punë, punonjëset e refuzojnë këtë vendim të bashkisë dhe kërkojnë të kthehen në punë pasi nuk ka një arsye për tu pushuar nga puna, sipas tyre ata kane punuar në shi dhe në diell, ditë dhe natë pa u ankuar për kushtet e punës dhe pagat e ulta, pasi janë familjare dhe me këtë pune mbajnë familjet e tyre. Prej ditësh ata kërkojnë takim me Kryetarin e Bashkisë por ky i fundit nuk i ka pritur duke gënjyer që nuk ndodhet në zyrë.
“Jemi të papunë që nga 24 nëntor, pasi kompanisë i ka mbaruar kontrata dhe ne na pushuan. Jemi rreth 300 punëtore dhe prej kaq ditësh Elbasani mbetet i papastruar. Ne i kërkojmë të marrin masa, pasi po na heqin bukën e gojës” , tha ajo.
Nëse problemi i tyre nuk zgjidhet punonjëset paralajmërojnë bllokim rrugë dhe nuk do te ndalojnë protestat e tyre derisa të rikthehen në punë duke vazhduar protestat e tyre deri në Tiranë. Të pa shpresë ata i janë drejtuar Prefekturës së Elbasanit dhe Mediave duke realizuar një proteste dhe duke kërkuar nga instancat shtetërore që të marrin masa pasi janë shumë familje që mbeten pa punë dhe pa bukë.
Discussion about this post