Nënkryetarja e Partisë Demokratike Jorida Tabaku në një konferencë për shtyp nga selia blu është kthyer sërish tek çështja e inceneratorëve ku u shpreh se Komisioni Hetimor ka marrë mjaft informacione. Sipas saj ka dosje shumë të rëndësishme që tregojnë që përveç përfshirjes së Lefter Kokës, kemi të paktën një ish-ministër zv/kryeministër, z. Arben Ahmetaj i cili duhej të ishte përpara drejtësisë.
“Për të mos vazhduar për ta hetuar këtë aferë. PD ditën e hënë kërkoi edhe një shtyrje të afatit të Komisionit Hetimor, duke qenë se është periudha e fundvitit dhe unë jam e sigurt që kolegët socialistë nuk kanë për të ardhur dhe nuk kanë për t’u mbledhur as gjatë kësaj periudhe, por Komisioni Hetimor ka marrë mjaft informacione, dosje shumë të rëndësishme”, ka deklaruar ajo.
Tabaku tha se Me aferën e inceneratorëve, në burg dhe para drejtësisë sot duhet të jetë i pari, kryeministri Edi Rama i cili do të bëjë çdo gjë, edhe do të vjedhë zgjedhje, edhe do të blejë drejtësi dhe do të bëjë skandale të tjera po vetë për ta mbuluar aferën e inceneratorëve, por sipas saj nuk ka luftë më të rëndësishme për PD se lufta ndaj korrupsionit.
Discussion about this post