Humbja 2-1 në shtëpi, në çerekfinalen e parë të Ligës së Kampionëve, djeg shumë për bavarezët. Tashmë kualifikimi është vështirësuar shumë, me kthimin që do ta luajnë në “San Siro”, ku përmbysja, në kushtet e dëmtimeve të shumta, bëhet “malore” e fortë.
Vincent Kompany, trajneri belg i gjigantëve bavarezë, e analizoi kështu disfatën e të tijve ndaj Interit:
“E nisëm mirë ndeshjen, dominuam në 30 minutat e para dhe mund të kishim shënuar 1 ose 2 gola, madje edhe më shumë.
Edhe në pjesën e dytë ishim përsëri dominues, krijuam raste, por në fund e dimë se Thomas (Müller) ka gjithmonë një rol të rëndësishëm. Kur hyri në fushë, gjeti golin e barazimit. Ne u përgatitëm maksimalisht për këtë ndeshje dhe çdo vendim që morëm ishte për arsye futbollistike.
Interi ishte shumë i fortë sot, neve na dëmtoi mungesa e Musiala. Me Guerreiron në pozicionin e tij donim të gjenim ekuilibrin e duhur. Na duhen të gjithë lojtarët për t’i arritur objektivat tona. Mendoj se Guerreiro bëri një paraqitje të mirë, ashtu si edhe Müller. Shumë lojtarë luajtën mirë, vetëm rezultati nuk ishte i drejtë”.
Discussion about this post