Beatrix Ramosaj ka treguar se i merr me sportivitet gafat që ka bërë brenda shtëpisë së “Big Brother VIP” dhe nuk ka nguruar që ti risjell në kujtimet e fansave përsëri. Madje, edhe komentin që i bëri moderatores Bora Zemanit për puthjen e saj me Donald Veshajn.
“Më kujtuat se sa bukur është të dashurosh. Me zemër në dorë dje i çmenda komshinjtë duke bërtit. Të dua zemër”.
Këto ishin fjalët që këngëtarja i shkroi Borës në fotot që ajo postoi pas surprizës që i bëri Semit dhe Donaldit në “Big Brother VIP”. Ky koment mori vëmendje sidomos pas lidhjes së saj me Donaldin dhe njerëzit e risollën në vëmendje si një gjë jo shumë të bukur.
Shumë prej tyre janë të mendimit se ajo ka qenë fanse e historisë se Donaldit dhe Borën por u lidh me të pa folur rreth ndjenjave të tij. E megjithatë, pavarësisht kritikave apo interpretimeve që iu bënë këtij komenti, Beatrix duket se po e përdor për marketing.
Ditën e sotme, ajo ka postuar një status në rrjetin social Twitter ku shkruan se komshinjtë e kujt do çmenden këtë javë.
“Komshinjtë e kujt do çmenden këtë javë”.
Kaq ka mjaftuar që ndjekësit të shpërthejnë në komente, disa suportues, e të tjerë kritikë. Nuk dihet për çfarë e ka saktësisht por ka dyshime se po flet për këngën e re. Këtë shprehje nuk është hera e parë që Beatrix e përmend. Edhe kur ishte e ftuar në emisionin “Fan Club” ajo tha se i çmendi komshinjtë kur doli Egzona.
Së fundmi, kujtojmë se teksa Beatrix “çmend komshinjtë” Donaldi në fakt po përflitet për një rikthim me Bora Zemanin. Pak kohë më parë në rrjet qarkulloi një video që tregonte se makina e Donaldit ndodhej poshtë shtëpisë së moderatores, duke lënë të kuptohet se ata janë takuar.
Discussion about this post