Presidenti ukrainas Volodymyr Zelensky e ka konsideruar si të vështirë komunikimin me Rusinë, pasi bisedimet për një armëpushim kanë nisur që herët gjatë ditës së sotme dhe po vazhdojnë ende.
“Bisedimet do të vazhdojnë. Të gjithë po presin lajme. Këtë mbrëmje do të raportojmë rezultatin”, tha Zelensky në një video-mesazh.
Negociatori kryesor nga pala ukrainase në bisedimet me Rusinë tha se raundi i katërt po mbahet virtualisht. Ekipi negociator ukrainas ndodhet në Kiev, ndërkohë bisedimet e mëparshme u mbajtën në Bjellorusi.
“Palët kanë shprehur qëndrimet e tyre. Komunikimi po vazhdon por është i vështirë. Arsyeja e mosmarrëveshjes janë sistemet e ndryshme politike. Ukraina pretendon dialogun e lirë, ndërsa Rusia synon shtypjen dhe ultimatum e shoqërisë së saj”, tha negociatori ukrainas, Mykhailo Podoliak.
Discussion about this post