Me anë të një postimi në Facebook, historiani Auron Tare ka publikuar një foto të komunitetit shqiptar në qytetin e Odesës në Ukrainë. Tare shkruan se mbi komunitetin shqiptar të Ukrainës, nuk ka shumë informacione dhe ka theksuar se prezenca e shqiptarëve vërtetohet nga dy luftërat ruso-turke në fund të vitit 1700 dhe në mes të viteve 1800. Sipas tij, në të parën një numër i lartë shqiptarë ishin pjesë e ushtrisë perandorake Otomane të udhëhequra nga Myftar Pasha i biri i Ali Pashë Tepelenës.
“Shqiptaret e Odesës. Një foto historike e komunitetit shqiptar te Ukrainës. Fatkeqësisht nuk ka shume informacion mbi origjinën e këtij komunitetit te vendosur ne Odesa dhe ne disa fshatra te Ukrainës. Prezenca e shqiptareve ne Ukrainë vërtetohet nga dy Luftërat ruso -turke ne fundin e 1700 dhe mesin e 1800. Në të paren një numër i larte shqiptare ishin pjese e ushtrisë perandorake Otomane te udhëhequra nga Myftar Pasha i biri i Ali Pashe Tepelenës. Dëshmitë e tija për pjesëmarrjen ne këtë lufte regjistrohen nga dy udhëtarë amerikane që janë takuar me te ne Janine. Duket se një pjese e shqiptareve kane vendosur te shpërngulen ne Ukraine dhe te ndërtojnë një jete te re. Me shume gjasa me vone kane shkuar edhe tregtare te ndryshëm te cilët bënin tregti midis territoreve osmane dhe atyre ruse. Kjo foto e rralle është një dëshmi e këtij komuniteti qe ende nuk e kishte humbur identitetin e vet” – shkruan Tare.
Ai gjithashtu shprehet se Lufta e Krimesë që filloi në Tetor të 1853 ishte lufta më e madhe Evropiane pas epokës Napoloniane dhe se në këtë betejë shqiptarët ishin të ndarë në fushën e betejës. Një repart kryesisht të shqiptareve ortodokse që vinin nga provincat me shumicë shqiptare si Mani, Suli apo Trakia në radhët e ushtrisë Imperiale Ruse dhe rreth 4500 shqiptare myslimane dhe katolike në radhët e trupave të Otomanëve.
“Lufta e Krimesë që filloi në Tetor të 1853 ishte lufta më e madhe Evropiane pas epokës Napoloniane dhe rreshtoi në fushën e betejës gati të gjitha fuqitë e kohës. Perandorinë Ruse, Otomane, Britanike Franceze dhe të gjithë aleatët e tyre. Interesant është fakti se si në Luftën e parë Ruso -Turke edhe në këtë betejë shqiptarët ishin të ndarë në fushën e betejës. Një repart kryesisht te shqiptareve ortodokse që vinin nga provincat me shumicë shqiptare si Mani, Suli apo Trakia në radhët e ushtrisë Imperiale Ruse dhe rreth 4500 shqiptare myslimane dhe katolike në radhët e trupave të Otomanëve. Lufta e Krimesë për nga përmasat dhe furia e betejave ka frymëzuar mjaft piktorë dhe shkrimtarë të kohës franceze ruse dhe britanike që shoqëronin trupat ushtarake” – tha Tare.
Tare më tej shkruan se Leon Tolstoi i cili përshkruan mjeshtërisht skena nga këto beteja te ashpra dhe se Interesant është fakti që në radhët e otomanëve ishin një sërë repartesh të ushtrisë egjiptiane të Ismail Pashës.
“Nder te tjerë Leon Tolstoi i cili përshkruan mjeshtërisht skena nga këto beteja te ashpra. Interesant është fakti qe ne radhët e otomaneve ishin një sere repartesh te ushtrisë egjiptiane te Ismail Pashës, Khedivit shqiptar te Egjiptit ku nder te tjera edhe një repart shqiptaresh jugore.
1. foto nga: (M. Haxhiislami)
2. Pikture ne Muzeumin Benaki te Athinës ( autor i pa njohur)
3. shqiptar i kapur rob nga forcat ruse autor piktori rus vereshchagin
4. trupat egjiptiane ne beteje e Krimese” – mbyll postimin Tare.
Discussion about this post