I ftuar në emisionin “Opinion”, historiani Auron Tare ka bërë me dije se dy nga personat që janë marrë si ekspertë për menaxhimin e parkut të Butrintit nuk kanë asnjë lidhje me fushën. Tare tha se si ekspertë konsultimi janë marrë dy persona, një prej tyre është pastruesja e parkut dhe një pensionist që nuk ka asnjë lidhje me fushën. Ai gjithashtu i ka përmendur edhe me emra personat që janë përfshirë të këtë histori.
“E kë kanë konsultuar për Butrintin? Është zonja Liri Shametaj, e njohim, është pastruese e Butrintit. Kam punuar me të, më bënte kafen, por është pastruese. Është Hasim Cana, është një pensionist që mbjell qepë dhe patate dhe është konsulent në planin e menaxhimit. Këta njerëz janë tallur me të gjithë ne që kemi dhënë kontributin tonë në Butrint” – u shpreh ai.
Përpos debateve publike dhe reagimit të ashpër, ka mbërritur në Kuvend projektligji për marrëveshjen e menaxhimit të Parkut të Butrintit. Ministria e Kulturës dhe Fondacioni Shqiptaro Amerikan (AADF) themeluan Fondacionin për menaxhimin e parkut kombëtar të Butrintit, një akord që ka afat 10-vjeçar dhe me të drejtë rinovimi. Fondacionit i kalon e drejta e shfrytëzimit dhe përdorimit, por jo pronësia. Në projektligj shkruhet se fondacioni detyrohet të respektojë klasifikimin si pasuri kulturore, por mund të kryejë ndërhyrje ruajtëse dhe mbrojtëse. Ndërsa tarifat për hyrjen e publikut do jetë nga 7 deri në 11 dollarë për të gjithë kohëzgjatjen e marrëveshjes.
Discussion about this post