Në takimin e Akademisë së Shkencave, ka marrë pjesë edhe gazetari dhe aktivisti Aulon Kalaja, si nismëtar i Aleancës për Mbrojtjen e Butrintit, për diskutimin mbi dhënien me koncesion të parkut natyror. Kalaja i ka kërkuar dorëheqjen Skënder Gjinushit, duke i parashtruar situatën se si duhet të ishte në një vend normal, ku Akademia e Shkencave flet para se të miratohet ligji dhe në momentin që nuk i merret mendimi, atëherë për çfarë duhet të ekzistojë Akademia e Shkencave. Ai u shpreh se në raste të ngjashme në botë, këto procedura kërkojnë kohë dhe diskutime shkencore para se të miratohet ligji.
“Dje u mblodh parlamenti dhe miratoi me 75 vota ligjin për koncensionin e Butrintit dhe sot mblidhet Akademia e Shkencave kur duhet të ishte komplet e kundërta, pra fliste Akademia e Shkencave. Në çdo vend normal të botës hapen dy tre vite debate publike, parlamentare, shkencore për të dalë në një konkluzion. Shumica e deputetëve dje nuk e dinin se ky ligj ishte në rend të ditës dhe jo më ta kenë lexuar këtë marrëveshje” – u shpreh Kalaja.
Discussion about this post