Ka nisur në selinë blu, mbledhja e Këshillit Kombëtar të Partisë Demokratike, ku pritet të shkarkohet Edi Paloka. Ilir Kondi, një prej anëtarëve në një prononcim për mediat tha se është paraqitur sot në mbledhje, të cilën e quan miting dhe ka kërkuar kuorumin e nevojshëm. Kondi tha se një gjë e tillë nuk i është lejuar nga kryetari Lulzim Basha dhe më pas ai ka bojkotuar mbledhjen.
“Në respekt të atyre demokratëve që më kanë votuar erdha të marr pjesë në këtë takim miting pasi kërkova të vërtetohej kuorumi i nevojshëm gjë e cila nuk u pranua nga Basha. Atmosfera e trajtimit të një anëtari të Këshillit Kombëtar ishte nga më të paprecedent. Se kush i lejon vetes të shkelë procedurat në këtë lloj mënyrë unë nuk e kuptoj dot. Unë refuzoj të bëhem pjesë e një takimi miting në këtë seli që është e shenjtë për të gjithë demokratët”- u shpreh anëtari i Këshillit Kombëtar të PD, Ilir Kondi.
Ndërkohë disa të tjerë janë shprehur se ditën e djeshme nuk ka pasur Kuvend, por një tubim pasi sipas tyre Kuvendi i vërtetë do të jetë me datën 18 dhjetor, pra të shtunën e ardhshme.
A mendoni se mbledhja e sotme ishte e nevojshme pas atyre vendimeve të marra nga Kuvendi Kombëtar gjatë ditës së djeshme?
Njëri prej anëtarëve të Këshillit Kombëtar: Po patjetër që është e nevojshme. Ne respektojmë çdo gjë që është e ligjshme.
Tjetër anëtar i Këshillit : Po për çfarë kuvendi po flisni, ai i djeshmi nuk ka qenë Kuvend, por tubim. Kuvendi është në datën 18, këtë të shtunë që vjen.
Discussion about this post