Kuvendi do të mblidhet edhe për 3 seanca të tjera, deri në përfundim të këtij sezoni politik, ku në të fundit, përkatësisht më 24 korrik, pritet të kryhet edhe betimi i Presidentit të ri të Republikës, Bajram Begaj.
Në mbledhjen e zhvilluar sot, Konferenca e Kryetarëve miratoi programin e punës së Kuvendit për periudhën 4 – 29 korrik 2022 dhe kalendarin e të punimeve të Kuvendit për periudhën 11 – 29 korrik 2022. Mbledhja vendosi zhvillimin e seancave plenare më 14, 21 dhe 24 korrik 2022.
Gjithashtu u vendosi t’i propozohet seancës plenare shtyrjen e afatit të veprimtarisë së Komisionit të Posaçëm Parlamentar për Reformën Administrative-Territoriale në Republikën e Shqipërisë deri në 30 shtator 2022.
Discussion about this post