Gjatë konferencës së parë për shtyp me Juventus, trajneri Massimiliano Allegri ka zgjedhur që një pjese të pyetjeve t’i përgjigjet edhe me shaka.
I pyetur për rregulloren e re të futur në futboll gjatë periudhës kur ai ishte pushim dhe më konkretisht për 5 zëvendësimet, Allegri ka zgjedhur të përgjigjet me shaka duke thënë se ka frikë se mos ngatërrohet meqë nuk e ka zbatuar më parë.
“Shpresoj të mos bëj rrëmujë, nuk jam mësuar me të (qesh), një shans i mirë, por i takon trajnerit të menaxhojë zëvendësimet. Një avantazh i mirë është që në fund të pjesës së parë, nëse loja ka shkuar keq, mund të ndryshosh katër “.- ka thënë ndër të tjera trajneri i Juventusit ditën e sotme përpara mediave./Gijotina.com
