Sot do të mbahet konferenca e parë ndërqeveritare me Bashkimin Europian. Ditën e djeshme, delegacioni shqiptar i përbërë nga 25 zyrtarë dhe i kryesuar nga kryeministri Edi Rama udhëtoi drejt Brukselit.
Vetëm pak më parë, presidentja e Komisionit Evropian, Ursula von der Leyen priti në takim kryeministrin Edi Raman dhe Dimitar Kovaçevskin, Kryeministër i Republikës së Maqedonisë së Veriut. Para se të nisë takimi, tre liderët realizuan dhe një foto të përbashkët.
Rama shoqërohet në Bruksel dhe nga ministrja për Europën dhe Punët e Jashtme, Olta Xhaçka, të cilët do të ulen përballë përfaqësuesve të 27 vendeve anëtare të unionit në prani të përfaqësuesit të lartë të politikës së jashtme Josef Borrell, komisionerit për Zgjerim Oliver Varhelyi dhe ministrit të Jashtëm çek, vend që ka Presidencën e radhës së BE. Përfaqësuesit e të dy palëve do të paraqesin kornizën negociuese, e cila duhet të miratohet. Për Shqipërinë kjo do të jetë dhe çelja zyrtare e negociatave me Bashkimin Europian.
Discussion about this post