Mediet serbe kanë reaguar pas deklaratave të kryeministrit Edi Rama në konferencën e përbashkët me kryeministrin kosovar Albin Kurtin.
Sipas medias serbe, B92, Rama sulmoi Serbinë pas një takimi me kryeministrin Kurti në Prishtinë, teksa e akuzoi se po bën manovra teatrale në veri të Kosovës.
“Nuk ka dyshim fillimisht, se mbi të gjitha, Serbia duhet ta njohë këtë realitet të pakthyeshëm dhe është vërtetë për të ardhur keq, që në vend të përparimit konkret të dialogut drejt njohjes reciproke dhe çlirimit përfundimtar nga e shkuara, sot jemi dëshmitarë të manovrave teatrale ushtarake të Serbisë, në kufirin me shtetin sovran të Kosovës. Ato manovra nuk mbrojnë në fakt qytetarët serbë në Veriun e Kosovës, sikundër pretendohet nga udhëheqja e Beogradit zyrtar, madje edhe disa fantazma gjeneralësh të ushtrisë së mundur në fushën e luftës, më shumë se 20 vjet më parë, që sikur kanë dalë nga varri, me pretendimin që po mbrohet integriteti dhe siguria e qytetarëve serbë në Kosovë”, tha Rama.
B92 shkruan se kryeministri shqiptar i quajti përmendi gjithashtu se e ashtuquajtura qeveri kosovare pagoi energjinë elektrike për serbët në veri.
“Në fakt, qytetarët serbë në Kosovë jetojnë pa asnjë kërcënim, madje thuhet se qeveria e këtij vendi u ka paguar faturat e energjisë elektrike, gjë që askush nuk e bën askund, jo vetëm në Ballkan, por edhe në botë,” tha Rama, shkruan B92.
Ndër të tjera, media serbe shkruan se Rama tha që Kosova ka plotësisht të drejtë në lidhje me reciprocitetin e targave me Serbinë, por gjithashtu se dialogu është zgjidhja e vetme për këtë çështje.
