Kreu i Konfindustrisë, Gjergji Buxhuku, ka ngritur sërish shqetësimin me çmimin e karburanteve në vend, që e cilësoi si një aferë të përmasave të mëdha.
Në një lidhje për News24, Buxhuku theksoi se përveç faktit që karburanti shitet shtrenjtë, sipas tij, qytetarët edhe vidhen nga pikat e karburanteve, pasi nuk marrin litrat për të cilat paguajnë.
Ndërkohë, sipas tij qytetarët paguajnë taksë koncensionare dhe në këtë rast vjedhjen shtohen edhe më shumë.
“Është një aferë vjedhje, e përmasave të mëdha. Kjo është një nga disa pikat që u diskutua në takimin me kryeministrin.
Nuk është histori e re, të gjithë jemi në dijeni të faktit për problematikat që ka karburanti në Shqipëri. Mund të jemi një nga vendet e para në botë për karburantet. Një pjesë e karburantit vidhet në pikat e karburantit.
Kemi të bëjmë me një aferë të madhe financiare, deri në 80 miliardë lekë në vit. Qytetarët, nga një anë paguajmë një çmim të lartë. Kjo është gjendja e rëndë në tregun e karburanteve, që ia bëmë të ditur dhe kryeministrit.
Ka ardhur në shtim vjedhja. Ti koncensionon një shërbim, i ngarkon me një taksë shtesë qytetarët, dhe vjedhjet shtohen.
Paradoksi i madh, që vë në pikëpyetje politikat koncensionare të qeverisë. Qytetarët paguajnë taksa shtesë dhe shohin se xhepat e tyre vidhen në një masë të shtuar nga koncesionimi.
Kemi dështim të shtetit, të institucioneve. Kemi ose paaftësi totale, ose bashkëpunim në vjedhje”, tha Buxhuku.
Discussion about this post