Konfidustria i kërkon qeverisë shqiptare që të tërheqë sa më shpejt, nismat për “Amnistinë fiskale”, “Pasaportat e arta” dhe legalizimin e “kanabisit mjekësor”. . Aktualisht BE e ka renditur vendin tonë në “listën gri” të shteteve të rrezikuara nga pastrimi i parave, shtojnë mundësinë që të kthehet në parajsë fiskale për krimin ndërkombëtar dhe vështirësojnë procesin e integrimit.
Pas goditjes që BE i dha Shqipërisë duke e renditur në “listën gri” të shteteve me probleme fiskale dhe shpërthimit të aferës McGonigal, Konfinustria i kërkon qeverise shqiptare që të tërheqë sa më shpejt, tri nismat e kundërshtuara nga instancat ndërkombëtare, “Amnistinë fiskale”, “Pasaportat e arta” dhe legalizimin e “kanabisit mjekësor” duke shtuar se në rast vonese, vendi ynë rrezikon seriozisht procesin e integrimit.
Deklarata:
Konfindustria i kërkon ekzekutivit, që në një kohë sa më të shpejtë të tërhiqet zyrtarisht nga nismat e “ amnistisë fiskale”, “pashaportat e arta” dhe ligjërimi i prodhimit të “kanabisit mjekësor”.
Veprimi i mësipërm bëhet i domosdoshëm në kushtet e zgjerimit të monitorimit të vendit nga agjencitë e specializuara të BE dhe vazhdimësisë së mbajtjes në grupin në të ashtuquajturën “listë Gri” të shteteve më të rrezikuara të pastrimit të parave. Gjithashtu, terheqja zyrtare nga nismat e mësipërme bëhet edhe më domosdoshmëri, duke vlerësuar pasojat e paparishikuara, që mund të rrjedhin nga skandali i fundit me ish zyrtarin e lartë të FBI amerikane.
Partnerët gjeostrategjikë të Shqipërisë si BE, ShBA, Britania e Madhe,etj. si dhe institucionet financiare ndërkombëtare, në mënyrë të vazhdueshme kanë shprehur kundërshtimin e qartë ndaj nismave të sipërpërmendura të qeverisë shqiptare.
Në rast të vonesës së tërheqjes nga amnistia fiskale e shpallur, Shqipëria rrezikon seriozisht vonesa dhe pengim të proçesit të negociatave për antarësim në Bashkimin Europian, si qëllim strategjik me rëndësi kombëtare. Në të njëjtën kohë rrezikojmë cënim të angazhimeve të Shqipërisë në aleancat EuroAtlantike të sigurisë rajonale dhe ndërkombëtare.
Gjithashtu, vendi rrezikon qartësisht shtimin e kostove të huamarrjes të letrave me vlerë në tregjet financiare ndërkombëtare dhe ulje të konkurencës në tërheqjen e investimeve të huaja, shumë të ndjeshme ndaj vlerësimeve të agjencive të specializuara ndërkombëtare të kontrollit të parave të zeza. Rrymat e parave “jo të ligjshme” godasin ashpër konkurencën e drejtë dhe biznesin e ndershëm dhe ndërtimin e një ekonomie kombëtare të qëndrueshme në afatgjatë.
Discussion about this post