Konfirmohen miqësoret e Interit, në Japoni sfidojnë CR7 dhe PSG

Miqësore të dyfishta për Interin e Milanos në turneun veror të Japonisë, me zikaltërit që do përballen me Al-Nassr të Ronaldos dhe PSG-në e Skriniar.

Kalendari i fazës përgatitore të klubit lombard ka filluar të marrë formë, me “Il Biscione” që ka sigluar dy miqësore në nisje të sezonit 2023-24. Inter do të jetë protagonist në Japoni, nga fundi i korrikut deri në ditët e para të gushtit.

Gjithçka nis më 27 korrik me miqësoren kundër Al -Nassr, skuadra e Cristiano Ronaldos që përfundoi Ligën saudite në vendin e dytë, pas Al-Ittihad të Xhedas.

Më 1 gusht, do të jetë sfida ndaj ish-mbrojtësit të tyre, Milan Skriniar dhe Parsit të tij.

Inter shpreson që të mbërrijë në këtë turne si kampione e Europës, megjithatë pritet të jetë shumë e vështirë, duke parë se më 10 qershor do të ketë përballë Manchester Cityn.