Konfirmohet, Alves do t’i bashkohet Barçës

Dani Alves do të ribashkohet me skuadrën e Barcelonës shumë shpejt, të paktën kështu raporton e përditshmja katalanase ‘Sport’.

Sipas kësaj mediaje lojtari pritet të mbërrijë në Barcelonë javën tjetër, ku do të diskutohen detajet për transferimin e tij te klubi ‘Blaugrana’ në janar.

Ishte Xavi ai që insistoi për ta pasur në ekipin e tij ish-shokun e skuadrës, i cili duket se e ka pranuar menjëherë këtë propozim që kishte kohë që e priste.

38-vjeçari kishte tentuar më parë që të komunikonte me Barçën për këtë transferim, megjithatë duhej marrja e drejtimit të stolit nga Xavi Hernandez që Alves të siguronte rikthimin te katalanasit.

Ish-mesfushori dëshiron që Alves, me përvojën që ka, ta ndihmojë të rinjtë që të rriten dhe së bashku të rikthejnë Barcelonën në majë./K.T/Gijotina.com