Giorgio Chiellini është ende lojtarë i lirë, por trajneri Max Allegri dhe Presidenti Andrea Agnelli nuk kanë dyshime se ai do qëndrojë në Juventus.
Qendërmbrojtësi mbush 37 vjeç muajin tjetër dhe është në formë shumë të mirë nga fitorja si kapiten i Italisë në Kampionatin Europian ‘Euro 2020’, ku bëri paraqitje të jashtëzakonshme në finale kundër Anglisë.
Sidoqoftë, kontrata e tij skadoi më 30 qershor dhe agjenti i lojtarit tha javën e kaluar se Chiellini nuk kishte shkëmbyer asnjë fjalë me Juventus.
“Unë fola me të hënën, u duk qesharake të ndërpresë pushimet e tij duke marrë parasysh se ai po luan për dy vjet pa ndërprerje, të gjithë vijnë dhe nënshkruajnë një copë letër,”- shpjegoi Presidenti I ‘Zonjës së Vjetër’, Agnelli në konferencën e sotme për shtyp.
Ndërsa trajneri i rikthyer Allegri gjithashtu u shpreh i sigurtë se Chiellini do të ishte pjesë e skuadrës së tij, duke rezervuar edhe shiritin e kapitenit për të në Torino raporton ‘Football Italia’.
“Unë kam disa lojtarë me më shumë eksperiencë se pjesa tjetër, veçanërisht Cristiano Ronaldo, Giorgio Chiellini dhe Leonardo Bonuçi, të cilëve u duhet shtuar vlera për klubin dhe të japin shembullin për lojtarët më të rinj, le t’i tregojnë se çfarë do të thotë Juventus”.- u shpreh tekniku.
Chiellini u bashkua me Juve në vitin 2005 nga Fiorentina, duke bërë 535 paraqitje për klubin, në të cilin ai shënoi 36 gola dhe dha 24 asistime.
Të gjitha shenjat tregojnë se ka shumë më tepër për t’i shtuar këtij numri, veçanërisht duke ditur se ai dëshironte një marrëveshje 2-vjeçare, që do e mbante atë në formë për Kupën e Botës 2022 me Italinë./Gijotina.com
