Nga mediat në itali po raportohet se Napoli po tenton të afrojë në skuadër Marash Kumbullën. Mbrojtësi i kombëtares shqiptare është pjesë e Romës, por Jose Mourinho nuk e ka në plane, dhe këtë mendim trajneri e ka shprehur edhe publikisht.
Kumbulla është një preferencë e vjetër e Cristiano Giuntoli, drejtorit sportiv të Napolit, teksa edhe trajneri Spalletti ka dhënë konfirmimin e tij për afrimin e 21-vjeçarit shqiptar.
Napoli po tenton ta marrë lojtarin mbrojtës në huazim me të drejtë blerje. Nëse arrihet marrëveshja mes palëve, Kumbulla do të kishte shok ekipi përsëri Rrahmanin, me të cilin formoi një dyshe fantastike kur ishin pjesë e Hellas Verona.
Discussion about this post