Gjyqtarja Gjykatës së Tiranës, Alma Kodraliu u konfirmua në detyrë nga Komisioni i Pavarur të Kualifikimit. Vendimi u mor pas një seancë dëgjimore, e cila u zhvillua 3 ditë më parë, gjatë së cilës Kodraliu dha shpjegime për disa gjetje në aspektin profesional dhe lidhur për një bilanc të vogël negativ. Por mesa duket nuk ka pasur asnjë gjetje që mund t’i kushtonte karrierën, pasi Kodraliu mori vlerësim pozitiv për pastërtinë e figurës.
Sipas BIRN, në seancën dëgjimore, gjyqtarja e Tiranës, Alma Kodraliu dha shpjegime në Komision për një balancë negative në shumën 300 mijë lekë të konstatuar në një vit dhe gjetjet në disa çështje të shqyrtuara prej saj në cilësinë e gjyqtares dhe ndihmëses ligjore. Po ashtu, ndaj gjyqtares Alma Kodraliu janë depozituar në Komision 12 denoncime nga publiku, për të cilat u relatua se nuk janë konstatuar gjetje domethënëse. Procesi i vetingut për gjyqtaren Kodraliu u krye nga trupa e KPK e kryesuar nga Brunilda Bekteshi, me relatore Etleda Çiftjan dhe anëtar Lulzim Hamitajn. Në cilësinë e vëzhgueses ndërkombëtare ishte e pranishme Elka Ermenkova.
Alma Kodraliu përfundoi studimet në Shkollën e Magjistraturës në vitin 2010 dhe u emërua fillimisht në Gjykatën e Pogradecit. Ajo punoi si ndihmëse ligjore në Gjykatën e Lartë në vitet 2013-2015 dhe prej vitit 2016 e ushtron funksionin në Gjykatën e Tiranës.
Discussion about this post