Ditën e sotme, Kina ka konfirmuar rastin e parë të gripit të shpendëve H3N8 te njeriu. Lajmin e ka bërë me dije, Komisioni Kombëtar i Shëndetit në Kinë i cili njoftoi se i infektuari me virusin H3N8 është një djalë 4-vjeçar nga provinca Henan.
Bëhet me dije se i infektuari shfaqi simptomat e para në 5 prill, megjithatë sipas autoriteteve të shëndetësisë në vend asnjë nga kontaktet e afërta të 4-vjeçarit nuk është prekur nga gripi i shpendëve. Mësohet se i infektuari kishte kontakt të përditshëm me shpendë në shtëpinë e tij.
Së fundmi, sipas Komisionit Kombëtar të Shëndetit në Kinë, varianti H3N8 është gjetur në të kaluarën te kuajt, qentë, zogjtë dhe fokat, por rastet e H3N8 nuk janë raportuar kurrë më parë te njerëzit.
Discussion about this post