Shtatë pasuri të llojit “arë”, me sipërfaqe totale 15,028 m², janë konfiskuar nga policia në bregun e lumit Drin dhe në Ishull Shëngjin te vellezerve Pali te arrestuar ne Norvegji.
Sipas njoftimit zyrtar, vendimi është zbatuar në bazë të urdhrit të Gjykatës së Posaçme Kundër Korrupsionit dhe Krimit të Organizuar (GjKKO), pasi dyshohet se pasuritë janë përfituar nga veprimtari kriminale.
“Në zbatim të vendimit të GjKKO-së të vitit 2021, lënë në fuqi nga Gjykata e Posaçme e Apelit në vitin 2022, specialistët e Seksionit për Hetimin e Krimeve Ekonomiko-Financiare të DVP Lezhë, në bashkëpunim me Agjencinë e Administrimit të Pasurive të Sekuestruara dhe të Konfiskuara, konfiskuan 7 pasuri të llojit ‘arë’, me sipërfaqe totale 15,028 m²”, thuhet në njoftimin e policisë.
Nga hetimet rezulton se dy prej pasurive ndodhen në bregun e lumit Drin, ndërsa pesë të tjera në fshatin Ishull Shëngjin.
Discussion about this post