Ministria e Punëve të Brendshme njoftoi se nga një fabrikë për prodhimin e kanabisit për qëllime mjekësore në fshatin Sopot janë marrë 225 kilogramë lule të thata mariuhanë, 111,1 kilogramë masë bio dhe 950 fara nga kanabisi. Nga MPB theksojnë se në objektet e personit juridik është bërë kultivimi i bimëve të kanabisit në kundërshtim me ligjin.
Siç informojnë nga MPB-ja, nga nëpunës policorë të Departamentit të Policisë Kriminale, Sektori për Trafikim të Paligjshëm me Drogë, Armë dhe Lëndë të Rrezikshme – Njësiti për Trafikim të Palejuar të Drogës, në koordinim me nëpunësit e policisë nga SPB Veles – DPB Kavadar, pas hetimeve paraprake të kryera sot nga një person juridik për prodhimin e kanabisit për qëllime mjekësore në fshatin Sopot, u sekuestruan 225 kilogramë lule të thata marihuanë, 111.1 kilogramë bio masë dhe 950 fara kanabisi.
Droga e konfiskuar sot pasdite i është dorëzuar Agjencisë për Pasuri të Konfiskuara.
Nga MPB-ja bëjnë me dije se pas masave dhe aktiviteteve të ndërmarra dhe koordinuara paraprakisht, si dhe me dëshmitë e siguruara se personi juridik ka vepruar në kundërshtim me dispozitat e Ligjit për Kontrollin e Drogave Narkotike, përkatësisht në objektet e personit juridik kanë bërë kultivimin e bimëve të kanabisit në kundërshtim me ligjin, sipas urdhëresave të dhëna më parë nga Gjykata Themelore e Kavadarit, si dhe pas kontrollit të kryer më parë nga nëpunësit e policisë së bashku me përfaqësues nga Komisioni për Vlerësimin e Përmbushjes së Kushteve për sa i përket hapësirës, pajisjeve, stafit për marrjen e miratimit për kultivimin e kanabisit për qëllime mjekësore, është konfiskuar marihuana për të cilën janë konstatuar parregullsi në funksionimin e personit juridik.
“Gjatë kësaj, në dhomën e kasafortës është gjetur një lule e thatë kanabisi, e cila nuk ishte e paketuar dhe e shënuar sipas rregullores ligjore dhe në ambientet e tjera është gjetur një masë e thatë kanabis, për të cilën personi juridik nuk i ka dorëzuar Komisionit një njoftim nga Ministria e Shëndetësisë. Njëherësh, sasia e produktit të thatë përfundimtar nuk është raportuar, pra në të gjithë procesin e rritjes kanë vepruar në mënyrë të kundërligjshme, pasi edhe pse kanë qenë të detyruar të njoftojnë Komisionin, nuk e kanë bërë me vetëdije për të shitur marihuanën të cilën e kanë prodhuar jashtëligjshëm në tregun e zi dhe në këtë mënyrë të fitojnë pasuri jashtëligjshëm në vlerën totale prej gjysmë milionë euro. Droga e konfiskuar i është dorëzuar Agjencisë për Pasuri të Konfiskuara”, thuhet në kumtesën e MPB-së.
Discussion about this post