Konfiskohet ‘Audi’ i blinduar në Shkodër, ja kujt i përket

Konfiskohet ‘Audi’ i blinduar në Shkodër, ja kujt i përket – EMRI

në Aktualitet

Kohë leximi: 1 min

Një automjet tip “Audi” është konfiskuar këtë të diel nga Policia në Shkodër. Mësohet se mjeti ishte në pronësi të shtetasit Leonard Gjeka.

Blutë sqarojnë se Gjeka qarkullonte me “Audin” e blinduar, i papajisur me autorizim të lëshuar nga organi kopetent.

“Shërbimet e Patrullës së Përgjithshme, gjatë zbatimit të planit të masave për parandalimin e kriminalitetit dhe për goditjen e paligjshmërive, në qytetin e Shkodrës, kanë konstatuar dhe shoqëruar në ambientet e DVP Shkodër, një automjet të blinduar.

Pas verifikimeve rezultoi se drejtuesi i automjetit, shtetasi L. Gj., banues në fshatin Ishull, Shëngjin, Lezhë, qarkullonte i papajisur me autorizim të lëshuar nga organi kompetent.

Drejtuesit të automjetit iu vendos masë administrative, konform Kodit Rrugor. Gjithashtu, u zbatua masa plotësuese për bllokimin e automjetit tip “Audi” dhe do nisin procedurat e konfiskimit”,- njofton Policia.

Kujtojmë se po në Shkodër dy ditë më parë u bllokua makina e blinduar e Safet Bajrit që po ashtu nuk kishte autorizim.

Etiketa: Kryesore1