Konflikt i dhunshëm në Tiranë, dy grupe përfshihen në sherr

Një sherr i dhunshëm është shënuar mes dy grupeve në zonën e Freskut në Tiranë. Konflikti dyshohet se ka ndodhur për motive të dobëta.

Policia ka nisur hetimin për pesë personat të cilët kanë ushtruar dhunë fizike ndaj katër personave të tjerë.

“Specialistët për Hetimin e Krimeve të Komisariatit të Policisë Nr. 4 referuan materialet në Prokurori, ku nisi procedimi në gjendje të lirë për shtetasit E. M, G. R, T. Z, E. H dhe F. H, pasi në Fresk, në bashkëpunim me njëri tjetrin, për motive të dobëta, kanë goditur me grushte shtetasit D. B, D. B, F. M dhe B. M.“- njofton policia.

Materialet procedurale i kaluan Prokurorisë së Tiranës për veprime të mëtejshme.