Një konflikt fizik me sende të forta ka ndodhur pak orë më parë në rrugën te rruga “Memo Meto”, pranë ish-restorant Durrësi ka ndodhur një konflikt fizik me sende të forta dhe për pasojë një prej të përfshirëve ka mbetur i plagosur.
Një tjetër i përfshirë në konflikt dyshohet se ka qëlluar me armë zjarri në ajër dhe është larguar. Nga të shtënat me armë nuk ka asnjë të plagosur.
Nuk dihet zanafilla e konfliktit dhe se kush janë personat e përfshirë. I plagosuri është dërguar në spital ndërsa policia po punon për zbardhjen e ngjarjes.
Njoftimi i policisë:
Më datë 25.08.2021, rreth orës 21:10, në rrugën “Memo Meto” gjatë një konflikti të çastit është dëmtuar me sende të forta shtetasi B. S., 32 vjeç, i cili ndodhet në spital, nën kujdesin e mjekëve. Gjithashtu, dyshohet se gjatë konfliktit, njëri prej personave të përfshirë në konflikt, ka qëlluar me armë zjarri në ajër dhe është larguar.
Nga konflikti nuk ka asnjë person të dëmtuar me armë zjarri. Grupi hetimor ndodhet në vendngjarje dhe po punon për sqarimin e rrethanave të ngjarjes dhe identifikimin e kapjen e autorit/ve.
Ne perditesim
