Konflikte për pronën, nipi vret xhaxhain në Kosovë

Një i moshuar është vrarë me armë zjarri mëngjesin e sotëm në një fshat të Malishevës.

Mediat raportojnë se autori i krimit dyshohet të jetë nipi i tij, ndërsa kanë nisur hetimet për zbardhjen e ngjarjes.

Autori është një 38-vjeçar, dhe shkak për vrasjen e xhaxhait dyshohen të jenë konfliktet për pronën.

“Sot rreth orës 09:50 është raportuar për një rast vrasje në fshatin Kijevë-Malishevë. Në vendin e ngjarjes, menjëherë kanë dalë njësitet e nevojshme policore ku është gjetur një person mashkull (i moshës madhore dyshohej pa shenja jete). Vdekjen e tij e ka konstatuar ekipi mjekësor në vendin e ngjarjes. Lidhur me rastin është arrestuar një i dyshuar, mashkull i moshës madhore. Rrjedha e mëtejme hetimore është duke vazhduar në koordinim me prokurorin e shtetit në drejtim të veprës penale të vrasjes”, njofton policia.