Konflikti mes familjeve në Pukë, kapet edhe 23 vjeçari në kërkim

Policia ka vënë në pranga edhe 23 vjeçarin e shpallur në kërkim për sherrin me sende të forta mes dy familjeve në fshatin Gjegjan të Pukës, të ndodhur mbrëmjen e së hënës.

Policia thotë se 23 vjeçari së bashku me të atin 55 vjeç janë konfliktuar për motive pronësie me një 36 vjeçar dhe nënën e tij.

Më herët policia njoftoi se në pranga kishin rënë edhe 55 vjeçari dhe 36 vjeçari.

Kujtojmë që nga përdorimi i sendeve të forta, mbetën të lënduar të dy këta persona si edhe nëna e 36 vjeçarit që mori mjekim.